Ekonomija Ċirkulari Malta (CE Malta) hija l-entità kompetenti maħtura, stabbilita mill-Gvern, għall-Ekonomija Ċirkulari skont l-Att dwar il-Protezzjoni tal-Ambjent. Ekonomija Ċirkulari Malta ġiet approvata mill-Kap. 331/XIII/18 tal-Kabinett u ġiet stabbilita bħala Aġenzija permezz tal-A.L. 286 tal-2018 skont l-Att dwar l-Amministrazzjoni Pubblika (KAP. 497), u b’ hekk ġie stabbilit l-Ordni li jwaqqaf Ekonomija Ċirkulari Malta (Leġiżlazzjoni Sussidjarja 595.28).
Li jitnaqqas l-ammont ta’ skart iġġenerat permezz tal-promozzjoni tar-responsabbiltà individwali u korporattiva.
Li jinħoloq il-qafas għall-irkupru u r-riċiklaġġ tal-iskart.
Li jittejjeb l-użu tal-iskart bħala riżors.
L-Aġenzija għandha l-għan li trawwem u tiffaċilita t-tranżizzjoni minn Ekonomija Lineari għal Ekonomija Ċirkulari permezz tal-governanza effettiva tar-riżorsi riċiklabbli.
L-Aġenzija se tkejjel is-suċċess tagħha permezz ta’ skemi u proċessi li jtejbu l-innovazzjoni, itawlu ċ-ċiklu tal-ħajja tar-riżorsi u l-estensjoni ta’ materjal riċiklabbli fis-suq.
