CEMalta Tingħata ċ-Ċertifikat tal-Marka tal-Ugwaljanza

CEMalta għandha l-pjaċir tħabbar li ngħatat iċ-Ċertifikat tal-Marka tal-Ugwaljanza fl-10 ta’ Diċembru 2020, mill-Kummissjoni Nazzjonali għall-Promozzjoni tal-Ugwaljanza (NCPE).

Iċ-Ċertifikazzjoni tal-Marka ta’ Ugwaljanza turi l-impenn tal-Aġenzija lejn l-implimentazzjoni ta’ politiki u prattiki rilevanti relatati mal-ugwaljanza bejn il-ġeneri u miżuri favur il-familja fil-post tax-xogħol u l-aċċess għal prodotti u servizzi u l-forniment tagħhom. Fost għadd ta’ prattiki, l-Aġenzija rnexxielha:

• Tistabbilixxi sett ta’ miżuri tal-familja applikabbli għall-Persunal kollu;
• Toffri sett ta’ Opportunitajiet ta’ Taħriġ lill-Persunal kollu relatat mal-Generu, l-Ugwaljanza u l-Prevenzjoni tal-Fastidju Sesswali fuq il-Post tax-Xogħol;
• Toffri sett ta’ Opportunitajiet ta’ Taħriġ lill-Persunal kollu relatat mal-Ġeneru, l-Ugwaljanza u l-Prevenzjoni tal-Fastidju Sesswali fuq il-Post tax-Xogħol;
• Tistabbilixxi Politika dwar il-Fastidju Sesswali biex tiskoraġġixxi mġiba mhux xierqa filwaqt li tipproteġi lill-impjegati jekk jinqala’ xi ħaġa waqt li jkunu fuq il-post tax-xogħol.

Barra minn hekk, l-Aġenzija tiżgura kontinwament li d-deskrizzjonijiet tal-impjiegi jkunu newtrali għall-ġeneru u li r-Reklami dwar il-Postijiet Vakanti josservaw l-impenn lejn opportunitajiet indaqs għall-ġeneru.

L-NCPE tirrikonoxxi l-isforzi instigati ta’ CEMalta fl-aċċertar taż-żamma ta’ livell għoli ta’ ugwaljanza fl-ambjent tax-xogħol.